विठ्ठल नामे  विठ्ठल झाले
विठ्ठल नामे  विठ्ठल झाले ।
देह्भान  विसरुनी  गेले  ।।धृ ।।
सर्वकाळ विठ्ठल चित्तीं ।
ब्रम्हानंदे  ते डुलती'  ।।१।।
विठ्ठल ध्यानी ,मनी जनी ।
विठ्ठल लोचनी ३ चिंतनी ।।२।।
निळा म्हणे  भोगी  त्यागी ।
विठ्ठल तया जडला अंगी ।
विठ्ठल विठ्ठल विठ्ठल  नामे ।।३।।
 इकडे पंढरी पंढरी तिकडे जेजुरी जेजुरी ।
इकडे विटेवरी उभा , तिकडे घोडयावरी  उभा ।
इकडे राही रखुमाई ,तिकडे म्हाळसा बाणाई ।
इकडे भीमा चंद्रभागा ,तिकडे गुप्त वाहे गंगा ।
इकडे बुक्याच लेण ,तिकडे भंडारा उधळण ।
इकडे आरत्या ओवाळती , तिकडे लंगर  तोडती ।
इकडे गोपाळ खेळती ,तिकडे मुरळ्या नाचती ।
तुका म्हणे सत्य जाणा ,विठू पंढरीचा राणा ।